UNITATE DIDAKTIKOA

Kaixo! Gaurkoan gure taldeko ( Tigreak ) taldeko unitate didaktikoarekin natorkizue, geure unitate didaktikoa burutzeko, udaberria gaia aukeratu dugu. Honekin batera, ordutegia eta ebaluazioa ere izango dituzue ikusgai.

Zeuen gustukoa izango delakoan, hementxe dituzue!

Unitate didaktikoa

Ordutegia

Ebaluazioa

Helburu didaktikoak

PAPER ZORROA

Kaixo guztioi! Honako sarrera honetan hilabete hauetan geure didaktikako klasean egindako lanaren laburpentxo batekin natorkizue.

Hasteko,  Argazki elkarrizketa dugu; honako sarrera honetan, nire haurtzaroarekin erlazionatzen ditudan 10 argazki agertzen diren.  Nire helburua, etorkizunean izan nahi dudan irakaslearen irudia sortzea, zeuei azaltzea eta hori lortzeko garrantzitsuak iruditzen zaizkidan kontzeptuak azaltzea da.

Ondoren, irudi batzuk ikusi genituen eta  irudi horien inguruko hausnarketa egiten saiatu ginen denon artean, gelan geundelarik.  Ondoren, bakoitzak bere gustukoak aukeratu zituen eta bere sarreran idatzi.

Gero, Irudiekin beharrean, esaldiekin egin genuen hausnarketa. Esan beharrik ez dagoen arren, honako esaldi hauek hezkuntzarekin lotutakoak ziren eta geure ideiak ordenatu, garatu eta berriak sortzeko aukera izan genuen.

Laugarrenik, euskal autonomia erkidegoan indarrean dagoen "Heziberri" dekretuaren inguruko sarrera izan zen.  Dekretu honetako hainbat zati edo artikulu hartu eta geure haurtzaroko oroitzapenekin bat egin genuen. Dekretu honek hainbat aldaketa proposatzen ditu non aldaketa berri horiek eta guk bizitakoak bat egiten duten ikustea genuen helburu.

Honen ostean, irakasleak proposatutako hainbat irakurgai irakurri genituen ondoren hausnarketa egiteko. Hiru irakurgai izan zirenez, bakoitzak gauza ezberdinei buruz hitz egiten du eta hainbat ideia proposatzen dituzte batzuk beraiek praktikan jarritakoak direla kontuan harturik. Beraz, beraien bizipenak eta ondorioen inguruan ere hitz egiten dute honako irakurgai hauek.

Ondoren, curriculumarekin sartu ginen. Zer den curriculuma, zenbat mota dauden, bakoitzak ze ezaugarri dituen, nolakoa den, zer bete behar dugun bakoitza erabiltzean, zein den curriculum mota bakoitzaren gidaria edo idazlea, etb. Egindako sarrera honetan, curriculum mota bakoitzari buruzko azaldutako galdera hauen inguruan aritu naiz.

Curriculumaren gaiarekin jarraituz, beste sarrera bat ere egin genuen. Honako honetan, curriculumaren inguruko definizio bat ematen saiatzen naiz hainbat irakurgai irakurri ondoren. Bakoitzak ikuspegi eta ideia desberdinak ditu, nik, hauek denak kontuan hartu eta nire ikuspegiari dagokion curriculumaren inguruko definizioa ematen saiatu naiz.

Metodologiei dagokienean, hainbat sarrera ezberdin egi genituen. Hasteko, proiektuetan antolatutako ikaskuntzaren inguruan aritu ginen. Sarrera honetan,  metodologia honen inguruko azalpena ematen saiatu naiz. Zer den, zer hartzen duen kontutan, zer pauso proposatzen dituen, etb. Gainera, gure irakasleak emandako azalpena oso baliagarria egin zait benetako kasu bat erakutsi baitzigun.

Gainerako metodologiekin jarraitu aurretik, taldeka, talde bakoitzak, tokatutako irakurgaien inguruan egindako aurkezpena blogera igo genuen.  Bi testuren inguruko aurkezpena egin genuen non biak, bizitzako esperientziekin lotuta zeuden. Gure helburua, bi irakurgaiak ahalik eta ondoren azaltzea izan zen.

Honen ostean, txokoen inguruko metodologiarekin aritu ginen. Proiektuekin egin genuen antzera, honako metodologia honen inguruko informazio eta azalpen zehatzena ematen saiatu naiz; metodologia honek bere baitan dituen ezaugarri eta kontzeptu guztian kontuan harturik noski.

Bi metodologia hauek ikusi ostean, bien arteko berdintasun eta ezberdintasunak atera nituen non beste sarrera honetan dituzuen ikusgai.

Gero,lau metodologiak kontuan hartuz, hau da: tailerrena, decrolyrena, txokoena eta proiektuena, bakoitzaren ezaugarriak kontuan hartuz, beraien arteko ezberdintasunen inguruko sarrera egin nuen, ideiak eta kontzeptuak modu argiago batean ikusteko.

Azkenik, taldeka, geure unitate didaktiko propioa egin genuen eta nire taldean aukeratutako gaia udaberria izan zen. Unitate didaktikoak dituen ezaugarri guztiak bete genituen: ezaugarriak, helburuak, konpetentziak, jarduerak, etb. Gure unitate didaktiko osoa ikus dezazuen bakoitzak bere blogera igo zuen.

Azkenik, besterik ez, espero duk hilabete hauetan egindako sarrerek ekarpen interesgarriak egitea eta gustuko izatea.

Beste bat arte!

METODOLOGIA EZBERDINAK

INTERESGUNEAK

• Irakaslearen rola: Irakasleak haurren beharrak eta interesak zeintzuk diren eta mugitzen diren egoera soziala kontuan hartu behar ditu interesguneak sortzerako orduan. Beraz, aukeratutako gaiek behar eta interes ezberdinei erantzun behar die.

 Horrez gain, irakaslearen rolak aktiboa izan behar du eta imaginazioa zein sormena bultzatu behar ditu. Gainera, etengabeko formazioan murgilduta egon behar du eta adierazteko gaitasuna, ordena eta diziplinaren zentzua izan behar du.

• Ikaslearen rola: Aktiboa eta parte hartzailea izango da, izan ere, lantzen diren gaiak haurren interesekoak izango dira eta horrek bultzatuko du ikasleek rol hori izatea.

• Gurasoen rola: Oso garrantzitsua da gurasoen parte hartzea, batez ere, ikasleen interesak etxean ere lantzeko.  

GLOBALIZAZIO FASEAK

       1.      Behaketa: haurraren esperientzi sozial, familiarra eta eskolarekin erlazioa izan behar dute.

• Zuzena:
•  Landu behar diren objetuak behatu (landareak, animaliak…)
• Konparatu, erlazionatu, aurretik dakienarekin loturak egin, galderak planteatzeko aukera eman.
• Zeharka:
• Zuzenekoaren ondoren egiten da.
• Ikasi beharrekoa iristea zaila denean (denbora, esfortzua, ekonomia..)
• Maketak, argazkiak, planoak, pelikulak…

     2.      Asoziazioa: fase honetan aztertu duen errealitateri buruzko analisia, erlazioa eta sistematizazioa egiten da.

• Espaziala: fase honetan ikasleari laguntzen zaio
• Egoera eta norabidea: lantzen diren objektuak lokalizatzea eta izendatzea (goran-beran, gertu-hurrun, aurrean-atzean, eskubi-ezker…).
• Forma eta tamaina: deskribapena (handia-txikia, borobila-karratua, luzea-motza, mehea-lodia…).
• Zer lortzen da honen bidez?
• Erreferentzia espazialak progresiboki eratzea.
• Espazioarekin lotutako elementu konplexuak erabiltzea (planoak, mapak…)
• Galderak (animaliak)
• Non daude? Nolakoak dira? Nora doaz?

• Denborazkoa:
• Helburua: egoera ezberdinak denboran kokatzea.
• Garatu daitezkeen alderdiak:
• Segidak: lehen- gero, gaur- bihar..
• Iraupena: denbora asko- gutxi…
• Aldiberekotasuna: aldi berean emandako gertaerak.
• Konparaketetan eta deskripziotan garapena ahalbidetzen du.
• Galderak (Animaliak)
• Zenbat bizi dira? Motelak ala azkarrak dira?

• Kausazkoa:
• Helburua: galdera gero eta zailagoekin hausnarketa bultzatzea. Haurren interesa pizteko honelako galderak egin ditzazkegu, zer egiten dute animali hauek? Zergatik?, Nola erlazionatzen dira pertsonekin?
• Galderak (animaliak)
• Zer egiten dute zenbait animalik? Zergatik? Nola erlazionatzen dira pertsonekin?

• Erabilpen eta lanerako asoziazioak:
• Helburuak:
• Gaiarekin lotutako elementuen erabilpena ezagutzea.
• Gaiarekin lotutako lanpostu eta lanekin familiarizatzea.
• Pertsona eta bitartekoaren arteko erlazioaren oinarrizko aspektuak ezagutzea.
• Galderak (animaliak)
• Nork zaintzen ditu? eta Nola?

• Asoziazio etiko, moral eta sozialak:
• Helburuak:
• Ikasleak jarrera pertsonal edo sozialaren balorazioan sakondu.
• Portaera zibiko- sozialak garatu.
• Arauen beharraz jabetu.
• Galderak (animaliak)
• Nola tratatzen ditugu animaliak? Nola tratatu beharko genituzke?

       3.      Adierazpena:

·         Hizkuntza, matematika, gorputz, plastika eta musika adierazpena.

·         Ikaslearen pentsamenduaren adierazpena barne hartzen duen guztia.

·         Zertan lagundu behar du irakasleak?

·   Komunikazio eta adierazpen modu ezberdinak lortzeko estrategia pertsonalak biltzen.

• Espazioa eta denboraren antolakuntza:
• Hamabost urte bitarteko eskolak eremu natural batetan kokatuta egon behar du, haurrek ingurunearekin harremana izan dezaten. Eskolak ikasle kopuru mugatua  izan mugatua izan behar du eta komenigarria da sexu eta adin desberdinetako haurrak egotea.

• Ikasgelek laborategi edota tailer txikiko egitura izan behar dute, ez auditorio modukoa.

• Zailtasunak dituzten haurrak beste ikasgela berezi batean taldekatu behar dira, non irakasle aditu batek aurreratzen lagunduko dien.

• Hizkuntzaren teknikak eta kalkulua goizez landuko dira eta hauek jolasen bidez landuko dira. Goizeko beste orduetan haurrek beste hainbat ariketa burutuko dituzte: obserbazioa, konparazioa, asoziazioa, marrazketa eta eskulanak, kantua, jolasak…  Irakasleak haurren interesen arabera jokatuko du.

• Arratsaldeetan eskulanak eta atzerriko hizkuntzak landuko dira, eta hainbat goizetan bisitak eta txangoak egingo dira.

Interesguneen helburua haurrari bere kabuz egiten ari dena uztea da eta bere burua neurtu dezan irakastea.

TAILERREN METODOLOGIA

     1.      TESTUA: 4- 6 urte bitarteko haurrak

• Irakaslearen rola: Irakaslearen rola behatzailearena da, naiz eta, kasu batzuetan haurrak laguntza behar badu lagundu. Irakasleak gelan arazo bat planteatuko du klaseari hasiera emateko.  

• Ikaslearen rola: Indibidualki lan egiten dute nahiz eta batzuetan taldean aritu.

• Espazioaren antolakuntza: Orokorrean gela osoa erabiltzen dute, baina badute lan egiteko espazio bat. 

• Ebaluazioa: Haurrak erabilitako orriak jasotzen dira, argazkiak egiten dituzte, bideoak grabatzen dituzte, elkarrizketak grabatzen dituzte, ume bakoitzaren erregistro-orriak jasotzen dituzte eta  irakasleak behatu egiten du hainbat aspektu erregistratzen dituelarik. 

• Helburuak: arazo matematikoei soluzio bat bilatzea, nahi duten materiala erabiliz. Horrez gain, arrazonamendua, komunikazioa, argudiaketa eta azalpena nola eman garatzen dituzte.

     2.      TESTUA: 4-5 urteko haurrak

• Irakaslearen rola: ez du klasea zuzentzen, eta irakasleak laguntzaile bat dauka.

• Ikaslearen rola: hasieran lan indibiduala, gero bateratze lana eta azkenik bakoitzak egin duten lana azaltzen die ikaskide guztiei.

• Denboraren antolakuntza: 45 minutu malguak

• Espazioaren antolakuntza: Gela guztian zehar

• Ebaluazioa: irakasleak haurrak behatzen ditu eta ikusitakoa erregistratzen du. Haurrei ebaluaketa zuzen bat egiteko orri batean bakoitzaren izena, erabilitako materiala, estrategiaren azalpena eta egindako komentarioen zutabeak bereizten dira. Tailerraren ebaluaketarako aldiz, ipuina eta arazoa ea egokiak ziren ebaluatu behar dira.

• Helburuak: arazo matematikoen aurrean soluzio bat bilatzea.

PROIEKTUAK

•  Irakaslearen rola: Proiektua aurrera eramateko, irakaslea etengabeko kontaktuan egongo da gurasoekin, hauen laguntza beharrezkoa izango baita proiektua ondo burutzeko. Haurrek aldez aurretik dituzten ideien inguruko ikerketa egingo dute, eta gainera, ikasle bakoitzak izango dituen karpetak prestatuko dituzte. Aipagarria da ere, edozein momentutan, haurrak proiektua burutzean, aurki dezakeen edozein arazori aurre egiten laguntzeko egon beharko dela. Bestetik, proiektua aurrera eramaten diren heinean, agertzen diren hitz “teknikoak” lantzeko ere aprobetxatuko dute.

• Ikaslearen rola: Indibidualki lan egitea. Baina ondoren, beste gelakideekin egindako lana partekatzea garrantzitsua izango da ere.

• Gurasoen rola: Gurasoen rola aktiboa izango da haurrari laguntza eskaintzeko orduan. 

• Espazioaren antolakuntza: Ikasle bakoitzak bere karpetatxoa izango duenez, bertan joango dira beraien liburuxka osatzeko behar izango duten informazioa sartzen. Baina bestetik, ikasleak ikasgelara ekarriko duen informazio gehigarria jartzeko txoko bat osatzen joango dira guztien artean, eta bertan etxetik ekarritako edozein liburu, entziklopedia edo informazio jartzen joango dira.

• Ebaluazioa: Lehen ebaluazio gisa, albuma bera osatzea hartuko dute. Ondoren, ondokoak aztertuko dituzte (eskola eta familia)modu honetan: haur guztiek galdera guztien erantzunak ekarri ore dituzten eta kontakizunak garaiz ekarri dituzten, inor prozesutik kanpo gera ez dadin.

Amaitzeko, tutoreak honako hiru puntu nagusi hauek aztertu beharko ditu:

o   lehenik eta behin, prozesuan zehar sortu diren eskaera, informazio eta sentimenduei erantzun egokia emateko gaitasuna izan duen;

o   ondoren, zailtasun-maila anitzak behar bezala mailakatu dituen, prozesua trabatuta geratu den edota arin eta arazorik gabe garatu oten den;

o    azkenik, haur bakoitzak maila kontzeptualen edota lanerako lanabes diren irakurketa eta idazketaren menderakuntza-mailan lorturiko ikaskuntza zehatzak ziurtatuko ditu.

Hiru puntu hauez gain, honako ebaluazio irizpidea azpimarratzen du: ea proiektua bukatu ondoren, haurren beraien buruaz gehiago dakiten eta familietako esperientzia desberdinei eta jaiotzea eta izateak osatzen duten misterio horri buruzko elkarrizketa naturaltasunez eta lasaitasunez bideratzeko gai izan diren.

TXOKOEN ETA PROIEKTUEN BIDEZKO METODOLOGIAK

Kaixo guztioi!

Gaurko honetan jada landutako metodologien arteko berdintasun eta ezberdintasunei buruz aritzea proposatu zaigu; hau da, proiektuetan oinarritutako metodologiaren eta txokoetan oinarritutako metodologiaren arteko antzekotasun eta ezberdintasunez.

Hori burutzeko, irakasleak klasean paper bat banatu zigun non ezaugarri batzuk azaltzen ziren; espazioa, denbora, materiala eta abar. Ezaugarri horiek kontuan hartuta bi metodologia hauen arteko antzekotasun eta ezberdintasunak topatzen saiatu behar ginen.

Alde batetik, esan beharra daukat, ezaugarri batzuk kointziditu egiten dutela, hau da, ezaugarriak berdinak direla, bestalde, badaude ezberdintasunak ere, beraz, hauek idazteari ekingo diot jarraian.

MAISU/MAISTRAREN EGINKIZUNAK: Eginkizun hauek, bi metodologiatan berdinak dira. Nire ustez, maisu edo maistra ona izateko eginkizunak ondorengoak izan behar dira: gidatzailea izan behar da, haurrari laguntza eskaini behar dio, beti ere bere askatasuna utziz; behatzailea izan behar da eta haurren beharretara guztiz egokitu behar da.

IKASLEEN PAPERA: Aurreko ezaugarriarekin gertatzen den bezala, ezaugarri honetan ere bi metodologiak bat datoz. Ikaslea, aktiboa eta librea izan behar da, nahiz eta beti ere arauen barruan jokatu behar izan.

ESPAZIOA: Espazioari dagokionez, alde batetik, proiektuetan oinarritutako metodologian, espazioa bakarra izaten da, hau da, gela bakarrean aritzen dira haurrak ekintza desberdinak burutzen. Bestalde, txokoetan oinarritutako metodologian, aukera gehiago egon daitezke, zenbait ikastetxetan espazioa aldatzen joaten baita haurrei estimulu berriak sortaraziz.

DENBORA: Txokoetan oinarritutako metodologiari dagokionean, aukera ezberdinak egon daitezke, beti ere, ikastetxearen funtzionamendua kontuan hartuta, batzuetan denbora librea izan daiteke, hau da, bakoitzak erabakitzen du nola banatu denbora jarduera ezberdinetan zehar, eta beste zenbaitetan ordea, ezarritakoa. Proiektuetan oinarritutako metodologiari buruz ari garenean, ordea, denbora zehaztutakoa edo aldez aurretik ezarritakoa izaten da.

MATERIALA: Proiektuetako metodologian, txokoetakoan bezalaxe, material zehatz edo konkretua erabili ohi dute.

IKASLEEN TALDEKATZEAK: Txokoetan oinarritutako metodologian taldekatzeak batzuetan libreak izan daitezke, hau da, ikasleak beraien artean taldekatzea nahi badute egin dezakete baina bakarrik ibili nahi badute ere egin dezakete eta beste batzuetan, zehatzak izan ohi dira, irakasleak eginikoak. Proiektuetan oinarritutako metodologian ordea, ez da taldekatzerik egoten orokorrean, talde bakarra egon ohi da, gela guztia.

JARDUERAK: Jarduerak proiektuen metodologian, zehatzak edo konkretuak izaten dira, hau da, aldez aurretik zehaztutakoak, eta txokoetakoan, aldiz, umearen imaginazioaren araberakoak, zehaztu gabeak.

Espero dut bi metodologia hauek garbiago geratu izana aurretik egindako sarrerak eta sarrera hau irakurri ondoren.

Beste bat arte!

TXOKOEN METODOLOGIA

Kaixo guztioi!

Gaurkoan txokoetan antolatutako metodologiari buruz hitz egingo dizuet, proiektuen metodologiarekin egin nuen bezala. Irakasleak honi buruzko informazioa eman zigun bere ikastetxeko adibidea esplikatuz; horrekin batera, galderadun fitxa banatu zigun guk hauek erantzun genitzan. Lehenengo eta bigarren galderak azalpena eman aurretik bete behar izan genituen, geure ezagutza maila ezagutzeko alegia.

Nire erantzunak behaketan ikusitakoan oinarritzen ziren, hau da, gure kasuan, 2 eta 3 urteko haurrak txoko berezietan ibiltzen ziren, beste nolabait esateko, gela bakoitza txoko ezberdin bat zen eta batetik bestera ibiltzen ziren irakasleak hitzartutako ordutegia jarraituz. Ordubete plastikako txokoan (gelan), hurrengoan, txoko (gela) sinbolikoan… eta horrela egunero. 4 urtekoek aldiz, betidanik ikusi dugun txokoen antolaketa zeukaten; beraien gela propioaren barruan txoko ezberdinak zitztelarik; hala nola: idazketa txokoa, matematikaren txokoa, sukalde txokoa…

Ikasteko falta zitzaidana erantzuteko orduan, argi neuzkan faktore batzuk idatzi nituen; esaterako: denboraren antolakuntza, metodologia nolakoa den ongi jakitea eta irakaslearen parte hartzea nolakoa izan behar den jakitea, gertukoa eta parte hartzailea edo haurrei libreki jolasean utzi behar diena.

Ondoren, irakasleak metodologia azaldu zuen eta azkenik papereko azken galdera erantzuteari ekin genion. Atera nituen ikaskuntza nagusiak zeintzuk ziren galdetzen zuen, nik ondorengoa ikasi nuen: modu ezberdinak daudela txokoak moldatzeko eta ikastetxe bakoitzak bere metodologia duela hori burutzek; adibidez, ikastetxe batzuetan, txoko bakoitzak denbora ezberdinak ditu eta hori ume bakoitzaren araberakoa da; hau da, ume bat denbora asko gauza berdina egiten ari bada, irakasleak txokoz aldatzera animatzen du, baina beste ikastetxe batzuetan aldiz, txokoetan egoteko denbora ez dago finkatuta.

Espero dut metodologia honi buruz zerbait gehigo jakitea hau irakurri ostean, mila esker beste behin nire blogean bisita egitearren!

IRAKURGAIEN AZALPENA

Kaixo guztioi! Gu Tigreak taldea gara eta gaurkoan, didaktikako klasean egindako aurkezpenaren inguruan hitz egingo dizuegu. Hasteko, esan beharra dago, bi irakurgaiei buruz arituko garela, lehenengoa “El trabajo por proyectos: una metodolgia global” da, bestea, berriz, “Rincones para un aprendizaje significativo”.

El trabajo por proyectos: una metodologia global testuan izenburuak dioen bezala proiektuetan ikasteari buruz hitz egiten du. Zehazki dio, proiektutan edukiak lantzeak ikasleei onura ekartzen diela, eskola tradizionalarekin apurtzen baitu, hauek mundu errealera gehiago prestatzen dituen bitartean. Hori gauzatzeko gai serioak lantzeari ekiten diote, adibidez, heriotzaren inguruan lantzen dituzte gauzak, etorkizun batean haur horiek prest egon daitezen nolabait gai horrekin lotutako egoerei aurre egiteko.

Proiektuetan murgilduta darabilen aditu batek dioenez, metodologia hau gauzatzeko hiru ezaugarri ezinbestekoak dira:

• Ikasleen eta irakasleen arteko komunikazioa informazioa ongi egituratzeko
• Esperientziak transmititzea eta programaketari uko egitea
• Imaginazioaren bultzatzaile izatea

Bestalde, metodologia honekin eskola tradizionalean murgilduta dauden hainbat pentsamendu ezabatu nahi dituzte, adibidez, eskola tradizionalean INTELIGENTZIA hitza nota onak ateratzen dituen pertsonekin lotuta egongo litzateke eta horrekin apurtu nahi dute. Proiektuen metodologia honetan, inteligentzia hitza ezagutza gehien dituen pertsonekin lotuko da, baina ez edonolako ezagutza, baizik eta bizitzaren inguruko ezagutza.

Irakasleak paper garrantzitsu bat hartuko du, eskola tradizionalean ez bezala, ez baitu esango zer den egin behar dena, baizik eta haurrak gidatzen saiatuko da, ez du esango zer dagoen ondo eta zer gaizki, haurrak gidatzen saiatuko da, hauek, beren ikuspuntuak gara ditzaten.

Ondoren, testuan metodologia honen helburuak azaltzen dira, zehazki bederatzi helburu. Lehenengoa, norberaren gaitasunetara egokitutako ikasketa indibiduala izango litzateke, bigarrengoa, jakituria garatzeko gai ezberdinak ikertzea, hirugarrengoa, teoriako jakintzak praktikotasuneko esperientziekin erlazionatzen jakitea. Hurrengoa, hau da, laugarrena, ikasitakoa errealitatean plasmatzen ikastea izango litzake, bosgarrena, norberaren izaera garatzea errealitatea aztertuz, seigarrena eta zazpigarrena (bat egiten baitute) lehen esan bezala, ikasle eta irakasleen artean komunikazioa izatea, zortzigarrena, ebaluatzea, baina kasu honetan hori bi alderdiei egitea tokatuko zaie, hau da, irakasleei eta baita ikasleei ere, eta azkenik, bederatzigarrena, talde lana sustatzea.

Honekin jarraituz, honako prozesu hau zeharkakoa dela esan dezakegu, alde batetik, eskolaren 75. urteurrena denez, hau ospatzeko aprobetxatu da; bestalde, ikasleen zalantzak argitzeko ere erabili da proiektu hau. Ikasle gazteenek, 3-4 urte bitartekoek, galdera sinpleagoak egiten zituzten, zaharragoek, 4-5 urtekoek alegia, konplexuagoak dira.

Honako proiektu honen oinarria ikasleen interesetan dago, beraien galderak apuntatu eta hortik abiatzen da irakaslea jarduera gauzatzeko. Orain dela  urte batzuetako liburuak begiratuz, ikastetxeari buruzko beharrezko informazioa bilatu zuten ikasleek: nolakoak ziren orain dela 75 bat urteko haurrak, zer sentitzen zuten, nola jolasten zuten, nolako portaerak zituzten… Esandako liburuez gain, internet ere oso baliagarria egin zitzaien haurrei.

Jarduera hau gauzatzeko, irakasle eta ikasleek paper ezberdinak jokatu zituzten. Irakaslea, dinamizatzailea, jakituna, sustatzailea edo motibatzailea izateaz gain, haurrei askatasuna eman eta behaketa lana egingo zuena ere izango zen. Bestalde, ikasleak parte hartze aktiboa izan beharko zuen eta hartzailea izango litzateke. Ezin dezakegu ahaztu, ikasleek beren artean ere informazioa elkarbanatzen dutela, beraz, ikaslea hartzailea eta igorlea dela esan dezakegu. Gainera, gela desberdinetan egin zen proiektu hau non irakasleen arteko koordinazioa oso garrantzitsua den proiektua aurrera ateratzeko. Azkenik, proiektua ezerezean gera ez zedin, mural bat marraztea erabaki zuten; bertan proiektua islatuko zena alegia.

Rincones para un aprendizaje significativo irakurgaian irakasle baten esperientzia kontatzen da Haur Hezkuntzako gelako espazioa antolatzearen inguruan.

Lehenik eta behin esan beharra dago, gelako espazioaren antolaketak paper garrantzitsua duela haurren autonomia eta ekimen pertsonala garatzeko orduan. Oso ohikoa izaten da bai Haur Hezkuntzan, baita Lehen Hezkuntzan ere gela txokoetan antolatzea.

Txokoen antolaketak helburu nagusi batzuk ditu, hala nola:

• Jolasaren bidez sormena bultzatzea.
• Askatasun eta autonomia pertsonala garatzea.
• Elkarbizitzako eta berdintasunezko giza- balioak bultzatzea.
• Jakin- mina eta esperimentaziorako ahalmena sustatzea.

ESPAZIOAREN ANTOLAKETA

Espazioaren antolaketa ez da bat batean egin daitekeen gauza bat, izan ere, talde zehatz batekin lortu nahi diren helburuen inguruko gogoeta bat eskatzen du. Irakasle honek ez zuen bere taldea ezagutzen, beraz, haurrekin batera gelako- espazioa antolatzea erabaki zuen.

Irakaslearen ideia gela txokoetan antolatzea izan zen, izan ere, bere ustez ikasgelako funtzionamendu onari lagunduko lioke eta ikasleek ikasketak testuinguru zehatz batean eraikitzeko aukera edukiko lukete. Gela 5 txokoetan antolatu zuten, lehenengo txokoa idazleen txokoa izan zen, bigarrena matematikoen txokoa, hirugarrena orkestraren txokoa, laugarrena informatikoen txokoa eta azkenik jolas sinbolikoaren txokoa. Azken txoko hau flexiblea edo aldakorra zen, izan ere, unitate didaktikoaren arabera aldatzen joaten zen.

Proposamen honetara iristeko, hainbat faktore hartu zituen kontuan irakasleak, hala nola, ratioa, haurren interesak, materialaren eskuragarritasuna eta gelako espazio fisikoa.

GELAKO FUNTZIONAMENDUA

Behin haurrek egokitzapen aldia pasata, gelari izena jartzea erabaki zuten. Oso garrantzitsua da haurrek erabakitzea gelaren izena,  horrela haurrak taldearen parte sentituko dira.

Taldearen izena aukeratzeko, lehenik eta behin, haurrek hainbat ideia bota zituzten. Hurrengo egunean irakasleak ideia horien inguruko argazkiak ekarri zituen eta haur bakoitzak nahi zuen argazkian bere txarteltxoa ipini zuen. Berdinketa bat egon zen, beraz, berdinketa hori hausteko borobilean ipini ziren eta haur bakoitzak nahi zuen izena hautatzen zuen baina oraingo honetan arrazoiak emanez. Azkenik, adostasun batera iritsi ziren eta taldearen izena Piratak izan zen.

Gelako funtzionamendua eguneroko errutinetan oinarritzen zen. Astero hiru arratsaldetan txokoetan ibiltzen ziren 40 minutu inguru.

Txokoen funtzionamendua honako hau zen: haurrek txokoak hautatzen zituzten, horretarako, nahi zuten txokoan beraien txartela uzten zuten, beti ere txoko bakoitzeko haur kopurua errespetatuz. Txokoetan egiten zituzten jarduerak libreak nahiz gidatuak izaten ziren.

Ikasgela, lehen aipatu bezala, bost txoko ezberdinetan banatua zegoen. Jarraian dagoen azalpenean txoko horietan haurrek lortzen zituzten lorpenak, ezagutzak… azalduko dizkizuegu.

1. IDAZLEEN TXOKOA

Txoko honen asmo edo helburua, konpetentzia linguistikoa garatzea zen, hitz ezberdinak osatuz, naturalki (espontaneoki) idazten eta irakurtzen saiatuz.

Bertan egin zuten lorpenik garrantzitsuena idazkera diferentzialetik idazkera silabiko- alfabetikoaren arteko eboluzioa izan zen, hau da, letra edo silaba ezberdinak idaztetik, hitz edo esaldi laburrak idaztearen arteko garapena.

2. MATEMATIKOEN TXOKOA

Taldetxo honetan zeuden haurrak, objektuen ezaugarri eta forma ezberdinak ezagutzen zituzten, sekuentzia tenporalak barneratzen zituzten edota eragiketa txikiak ebazten ikasten zuten. Horretarako, puzzleak, burua husteak (rompecabezas) eta beste hainbat jolas ezberdin erabiltzen zituzten.

Gune honetan eginiko ikaste garrantzitsuena modu azkar eta autonomo batean eragiketa sinpleak ebaztea izan zen: kontatzen, denboraren kudeaketa ulertzen…

3. ORKESTRAREN TXOKOA

Hirugarren txoko honetan bi asmo lantzea zen haien helburua; batetik, inteligentzia musikala eta bestetik, haien instrumentu pertsonalak sortzea soinua ateratzeko helburuarekin. Horretaz gain, txoko honetan beste herrialdeetako kideek haien herrietako instrumentu tipikoak ekartzen zituzten, beste gelakideek ere ezagutu zitzaten. Aldi berean, radio bat zegoen, eta haurrek haien erabilera zein zen ezagutzen zuten bertan azaltzen ziren irudiak eta haien funtzioak ikasiak baitzeuzkaten (hirukia: play; karratua: stop; eta makila: pausa).

Horrela, txoko honetan kooperazioa eta talde lana sustatzen zuten, haiek ezarritako helburua lortzeko asmoz. Kasu honetan, haiek zuten helburuetako bat, sortutako musika instrumentuekin kurtso amaieran kontzertu bat ematea zen gainontzeko haur eta gurasoei, gelako orkestra sortuz. Ondorioz, haien artean bata besteari lagundu behar zioten, instrumentua ahalik eta ondoen egin ahal izateko eta entseguak ere produktiboak izan zitezen.

4. INFORMATIKOEN TXOKOA

Gune honetan hainbat egiteko zeuden: informazioa bilatu bertan zeuden liburu ezberdinetatik, testu txikiak osatu eta baita irudiak koloreztatu ere. Ariketa ezberdin horiei esker, hainbat lorpen lortu zituzten haurrak; esaterako: irakurketa eta idazketaren arteko harremana estutzea (beti ere bakoitzaren maila errespetatuz), motrizitate fina lantzea (begi-eskuen koordinazioa), eta txoko horretan zegoen ordenagailuaren erabilera hobetzea (programetara sartu eta irten).

5. JOLAS SINBOLIKOAREN TXOKOA

Lehen aipatu dizuegun bezala, txoko honen izena unitate didaktikoaren araberakoa zen, izan ere, jarduera aldatu ahala txokoaren izena ere aldatu egiten baitzen. Irakasle honek urte honetan zehar hainbat egoera sortu zituen; hala nola, ile apaindegia, jatetxea, mozorro denda…

Gune honetan, haur bakoitzak bere jolas propioa sortzen zuen, bere pertsonaiak sortuz eta rol ezberdinak banatuz; eta aldi berean, autonomia pertsonala hobetzen ere asko laguntzen zien. Bertan eginiko lorpen garrantzitsuenak hitz egiteko erraztasuna bultzatzea eta objektu bakoitzari bere izenez deitzea izan ziren; esaterako fonendoskopioa, ileko lehorgailua…

Txoko horiek sortzeko garaian, ezarriko zen materiala lehendik erreparatzea ezinbestekoa izan zen, eta horretarako, hainbat irizpide eduki zituen kontuan: materialaren kontserbazioa, seguritatea, beharra, eskuragarritasuna eta espazioa hain zuzen.

Hiruhileko amaieran, irakasleak ebaluazioa bat egin eta feedback bat lortu ahal izateko, hainbat galdera egin zizkion bere buruari, hurrengorako zenbait aldaketa eta hobekuntza egin ahal izateko. Horretarako, haurrez gain, beste bi multzo desberdindu zituen; espazioa eta denbora hain zuzen.

Espazioari dagozkion galderak honakoak izan ziren:

• Espazio honek haurraren iniziatiban eta sormenean laguntzen du?
• Apainketa erakargarria da?
• Materiala haurren eskura dago?
• Klima lagungarria da haurra maitatua, segurtasunarekin eta baloratua sentitzeko?
• Txokoak ongi diferentziatuak daude?

Orokorrean, haientzat pentsatutako espazioa da?

Denboraren kasuan aldiz, honako hauek planteatu zituen:

• Ezarritako denbora haurraren garapen psikologiara egokitua dago?
• Lan pertsonala eta talde lanerako nahiko denbora dago?
• Ezarritako planifikazioak haurraren espresio librea onartzen du?
• Haurrak badaki denbora antolatzen?

Azken finean, galdera horien erantzunei erreparatuz, eta haurren ekarpenak kontuan hartuz, irakasleak txokoei buruzko ebaluazio bat egin dezake, eta hurrengorako kontuan eduki beharko lituzkeen xehetasunak ikus ditzake.